Our auld guidman delights to view
His sheep an' kye thrive bonnie, O. [cows]
But I'm as blythe that hauds his pleugh, [holds]
An' has nae care but Nannie, O.
Come weel, come woe, I care na by, [reck not]
I'll tak what Heav'n will send me, O;
Nae ither care in life have I,
But live, an' love my Nannie, O.
THE RIGS O' BARLEY
It was upon a Lammas night,
When corn rigs are bonnie, [ridges]
Beneath the moon's unclouded light
I held awa to Annie: [took my way]
The time flew by wi' tentless heed, [careless]
Till, 'tween the late and early,
Wi' sma' persuasion she agreed
To see me thro' the barley.
The sky was blue, the wind was still,
The moon was shining clearly;
I set her down wi' right good will
Amang the rigs o' barley;
I kent her heart was a' my ain; [knew, own]
I loved her most sincerely;
I kissed her owre and owre again [over]
Amang the rigs o' barley.
I locked her in my fond embrace;
Her heart was beating rarely;
My blessings on that happy place,
Amang the rigs o' barley!
But by the moon and stars so bright,
That shone that hour so clearly,
She aye shall bless that happy night
Amang the rigs o' barley.
Pages:
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40