Now, Gentlemen, we have gane roun our hill,
So now I think it's right we had oor fill
Of guid strang punch--'twould make us a' to sing.
Because this day we have dune a guid thing;
For gangin' roun' oor hill we think nae shame,
Because frae it oor peats and flacks come hame;
So now I will conclude and say nae mair.
An' if ye're pleased I'll cry the Langholm Fair.
Hoys, yes! that's ae time! Hoys, yes! that's twae times!!
Hoys, yes! that's the third and the last time!!!
This is to Give Notice,
That there is a muckle Fair to be hadden in the muckle Toun o' the
Langholm, on the 15th day of July, auld style, upon his Grace the
Duke of Buccleuch's Merk Land, for the space of eight days and
upwards; and a' land-loupers, and dub-scoupers, and
gae-by-the-gate-swingers, that come here to breed hurdums or durdums,
huliments or buliments, haggle-ments or braggle-ments, or to molest
this public Fair, they shall be ta'en by order of the Bailie and Toun
Council, and their lugs be nailed to the Tron wi' a twal-penny nail,
and they shall sit doun on their bare knees and pray seven times for
the King, and thrice for the Mickle Laird o' Ralton, and pay a groat
to me, Jemmy Ferguson, Bailie o' the aforesaid Manor, and I'll awa'
hame and ha'e a bannock and a saut herrin'.
Pages:
386
387
388
389
390
391
392
393
394
395
396
397
398
399
400
401
402
403
404
405
406
407
408
409
410